புதிய ஆண்டு, புதிய புத்தகம்.
புத்தாண்டு, புதுப் புத்தகம்.
புத்தாண்டு, புதிய புத்தகம்
புது ஆண்டு, புதூப் புத்தகம்.
(இவ்விரண்டு வரிகளையும் மரத்துப் போன, உணர்வற்ற குரலில், ஒவ்வொரு பாரா முடிந்த பின்னும் கூட்டுக் குரலில், அல்லது தனித்த குரலில் சொல்லலாம்.)
மார்கழி மாதம்,
மஹாக் கோலம்
பெரிய கோலம்
புதிய கோலம்.
(உற்சாகக் குரலில்)
புத்தாண்டு, புதிய புத்தகம்
புது ஆண்டு, புதூப் புத்தகம்.
மஹாப் பிரதோஷம்
மாதப் பிரதோஷம்
புண்ணிய பலன்கள்
பாவம் கரைய.
(மந்திரம் சொல்லும் குரலில்)
புத்தாண்டு, புதிய புத்தகம்
புது ஆண்டு, புதுப் புத்தாகம்.
ரகசிய வாழ்க்கை
அந்தரங்க ஆசை
வேதம் சொல்லுவதென்ன
உள்ளது உள்ளபடி.
(ரகசிய பெருங்குரலில்)
புத்தாண்டு, புதுப் புத்தகம்
புதிய ஆண்டு, பெரும் புத்தகம்.
கம்மல் வாங்குறீங்க,
வளையல் வாங்குறீங்க
சட்டை வாங்குறீங்க
பல செருப்பு வாங்குறீங்க
மறுபடி மறுபடி.
(மிரட்டும் குரலில்)
புத்தாண்டு, புதுப் புத்தகம்
புதிய ஆண்டு, அரும் புத்தகம்.
உனக்கும் ஆகும்- பின்
உன் மகனுக்கும், மகளுக்கும்
பேரனுக்கும், பேத்திக்கும்
அழியாச் சொத்து.
அறிவுச் சொத்து
(கெஞ்சும் குரலில்)
புத்தாண்டு, புதுப் புத்தகம்
புதிய ஆண்டு, அரும் புத்தகம்.
உரைநடை ஆயிரம்
நாவல் ஆயிரம்
சிறு கதை ஆயிரம்
கவிதை சிலநூறு.
(பெரும் குரலில்)
புத்தாண்டு, புதுப் புத்தகம்
புதிய ஆண்டு, அரும் புத்தகம்.
உள்ளே வாங்க,
வாங்க வாங்க.
அம்மாமார்களே! அய்யாமார்களே!
மாணவர்களே! குழந்தைகளே!
(ஆசை காட்டும் குரலில்)
புத்தாண்டு, புதிய புத்தகம்
செம்பதிப்பும், மலிவுப்பதிப்பும்.
என்னது வாங்கு
உன்னது கொடு
அவனதும், அவளதும்
வாங்கினால் வாங்கு
(தணிந்த குரலில்)
புத்தாண்டு, புதிய புத்தகம்
செம்பதிப்பும், மலிவுப்பதிப்பும்.
புதூ ஆண்டு, புதூப் புத்தகம்,
தள்ளுபடி உண்டு, தள்ளு முள்ளும் உண்டு,
காபி உண்டு, டிபனும் உண்டு,
பேச்சும் உண்டு, ஏச்சும் உண்டு.
(உற்சாகக் குரலில்)
புத்தாண்டு பெரிய புத்தகம்.
புதுப் புத்தகம் புதிய பலன்கள்.
(கூட்டுக்குரலில் மெலிதாக ஆரம்பித்துக் கூவி முடிக்கவும்).
சின்னப் புத்தகம்.
அன்னப் புத்தகம்.
அழகுப் புத்தகம்.
மொழி பழகு புத்தகம்.
புதிய புத்தகம்.
புதிய வாழ்க்கை.
புத்தாண்டு புத்தாண்டு.
புத்தக ஆண்டு.
Subscribe to:
Post Comments (Atom)
No comments:
Post a Comment